Arugamiriri a county ya Nairobi a hau kabere gutherio kuma cira-ini wa ngukumio

Uria waari abithaa munene wa kigina county-ini ya Nairobi, Jimmy Kiamba hamwe na angi atatu riu mari na gikeno thuutha wa igooti ria maundu meegii uungumania kwaga kumanyita na mahitia meegii nguukumio.

Muciirithania Kennedy Bidali niwe umehereiirie mahitia macio,akiuga mwena wa thitango niuremetwo ni kuheyana wuira wa kuigana.

Kiamba, uria waari mwandiki wa County iyo Lilian Wanjiru Ndegwa, Regina Chepkemoi na Stephen Ogaga maragumiirwo ni thitango mugwanja cia uhuthiri muuru wa wabici.

Ana acio nimareganite na kuiya makiria ya ciringi mirioni mirongo iiri kuuma kuri thirikari ya county.