Commission ya IEBC matanyitwo gwikinyia mbere ya kamiti ya kihooto na watho

Ambunge nimaheaniite thamaanji kuri muikariri giti wa Commission ya IEBC – Wafula Chebukati hamwe na ma- commissioner aake eeri  iguru ria ngucanio iria igumiire Commission iyo thuutha wa mageria ma ma-commissioner atatu a hau kabere ma gucooka wiira kugutha ihiga.

Matanyiitwo gugekinyia mbere ya kamiti ya kihooto na maundu megii waatho muthenya wa Kana kiumia giukite thiinii wa giikaro kiria matanyiitwo gutaariria kamiti iyo iguru ria meehaariria mao megii  mihang’o ya gutara andu hamwe na kugarura mihaka.

Thamaanji iyo irarutirwo thuutha wa anene acio a IEBC kwaga gwikinyia mbere ya kamiti iyo muthenya wa ira, na haandu ha uguo maratuma ndumiriri ya kuuga ati ma-commissioner acio me buri-ini wa Rwanda .

Muikariri giti wa kamiti iyo William Cheptumo araugire ati ena mwihoko mucemanio ucio wa Kana gokiite niukahithuria kana ma-commissioner atatu Consolata Maina, uria waari muniini wa muikariri giti wa IEBC, mena Margaret Mwachanya na Paul Kurgat ni maarumiriire waatho hiindi iria matigire wiira mweri-ini wa kana.

 

ReplyForward