Ekuirwo ana guikio ngono

Ekuirwo ana a ucangiri aria maanyitirwo muhakaini wa Busia magithii bururini wa Libya kuingira gikuundi kia ISIS nimeguikara rumande kwa ihinda ria mweri umwe niguo uthuthuria uriike.

Itua riu riheyanirwo ni muciirithania Diana Mochache.

Mwaria wa borithi George Kinoti,augite ekuirwo acio maabangite kuingira Libya kuhitukira Sudan ya muhuro thuutha wa umwe wao kuuga ati maathiaga Juba.

Ekuirwo acio ni Kassim Ahmed Ali na Ali Omar Bwanaadi aria ibandi ciao cionirwo mwena wa Majengo Mombasa hindi ya birigiceni mwerini wa January.

Angi ni Muhammed Kassim Abdalla na Mustafa Kheri Shali.