Iceera ria First Lady China

First Lady Margaret Kenyatta niaragathiriirio niundu wa gutoongoria tabarira ya ugima wa mwiri wa atumia na ciana kuhitukira mubango wake wa Beyond Zero.

Murugamiriri munene gikuundi gia kurumbuyania na ciana (UNICEF) Henrietta Fore, uria uracemanirie na First Lady keheri-ini ga kigomano kia mwaka uyu kia ngwataniro ya China na gitaru kia Africa, araugire ati gikuundi kia UNICEF nikihaariirie kunyitanira na First Lady kugacirithia uteithio kuri atumia aritu na aria marongithia, ngeenge hamwe na ciana kuhitukira mubango wa Beyond Zero.

Mutoongoria ucio wa UNICEF niaracookeirie First Lady ngaatho niundu wa kurugama na maundu maria mangiagirithia mituurire ya atumia na ciana.

Araugire ati atumia aria angi a atoongoria a mabururi ma Africa nimabatii gukobia kionereria kia First Lady wa Kenya .