Kariuki Kimani

KARIUKI KIMANI

Ndi Mumbui wa Mbari ya Mbuu Na ritwa riakwa ni Kariuki muru wa Kimani  na kihumo giakwa ni Ituura ria Githuya , riria ri thiini wa Wamwangi , guku ni Ngend’a iria gukinyiria riu irutite athamaki eeri a bururi wa Kenya na ni gichigoini kia Umbunge gia Gatundu ya muhuro .

Ndaingirire thukuru wa muthingi wa Githuya na ngicooka ngiingira thukuru wa mathomo ma thutha wa muthingi thukuruini wa Ituuru.

Kumania na hau ni ngoretwo ngithooma mathoma ngurani kuria mathomo ma muico nindaheirwo certificate ya mathomo ma wandiki wa moohoro na kuhunga ndeto thukuruini wa mathomo ma iguru wa Tsinghua uria ni thukuru mutugiriku muno bururi-ini wa China , kuhitukira ngwataniro ya thirikari ya Kenya naya China ruhonge rwa China Information and communication centre muciini wa Beijing .

Mbere ya kuingira mitamboini na nginyagia riu ngoragwo ngirutithia iheyo ciakwa cia mwanya mawiira ma gukenia eroreri kuria iheeo icio niciihotithitie gukorwo ngiruta wiira mabururi-ini ngurani maria ni makinyu 14.

Mabururi macio ni hamwe na Ngeretha , China , Taiwan , United Arabs Emirates , Singapore , Malaysia na mangi maingi maria ni hamwe na ma Africa .

Wiraini wa Muingi na gucokia ngatho kuri ruriri , ninyitagirira  mbeu njithi maunduini ma gutheremia iheeo ciao na ngoragwo ndi mwanjiriria na mutongoria (CEO) wa gikundi gitari  gia gi thirikari gitagwo Soulstone Foundation .

Ningi nihetwo wiira ni kanitha uria ndungataga wa St Mary Immaculate Catholic Church Wamwangi wa gukorwo ndi Patron wa ciana nyinyi iria ciitagwo na ruthiomi rwa gigatoleki Pontifical Missionary Children kana PMC.

Ndi muthuri wina mucii wake uri na mutumia na ciana.

PROGRAMME SYNOPSIS

Tabarira ya Mbugi Manjarara  imurikaga unduire na kihumo kia nduriri ngurani bururiini nanginyagia nduriri-ini ingi thiini wathi , niguo twimenye makiria na tuthii na mbere na kwenda na kuiga unduire witu uria miaka miingi niukoretwo ukimemendwo ni imemendi ta nyakeru na ningi ukario ni memenyi cia kiiriu ta mwiyendo na ukombo wa meciiria .

Igukinyagira thaa imwe na nuthu kiroko na igacokerwo thaa ikumi na imwe riua rigicoka ngoini niundu wa athikiriria aria matanoona kanya rucini naningi niundu wa muthikiriria ungienda gutitirithia .

3) SPORTS

Muturireini wa andu gitaruini kia Aafrica niundu wa mutugo na ni unduire witu , na  , niundu wa gukunguira iheeo ngurani na kwimenyekithania na maundu maria marahuanika  na gututhuka . iharoini

Maunduini ma kagi nimo football  , kuria kurigicirie na mihindo  nikuo ‘ ring ‘ maunduini muno ma ngundi  , mahenya maria mahanyukagwo  rurii-ini na makahiukwo nyeki-ini , nditikano cia mubiira uhaana ibabai witagwo Rugby ,  utwarithia wa magegania wa ngari niguo twitaga Safari Rally ,  Nundano , kuhutania mitari ikahunyuka nimo maundu ma martial arts  na mathako mangi maingi ngamarekereria hatari guthutukania  magagukinyira wee muthikiriria tabariraini ya coro kisporty .

Mathako magukinyagira haria uuri ituuraini riria uikarite thutha wa moohoro ma thaa ithatu gwatanuka , thutha wa moohoro ma thaa mugwanja miarahuko , thutha wa moohoro ma thaa kenda ikiuma kuriithio , thutha wa moohoro ma thaa imwe riacoka ngoi-ini na thutha wa coro maturaini thaa ithatu muhiriga uri  booi-ini .

4) COMMERCIAL PROGRAMME PRODUCTION

Ningoragwo muno ngimemerekia maundu giathiini nganirira ndumiriri iria ciumite kuri onjorithia a indo ngurani niguo muthikiriria aciimenye  na aciyiukie , acihuthire muturireini kana orona ndumiriri cia bata cia guteithia muturire wa muthikiriria  kuuma makambuni-ini ngurani kana ndumiriri cia ngececwa cia Coro fm iria turenda ikinyire muthikiriria na njira igwete .

Maundu macio moothe tumarugagira ruhongeini rwitagwo na ruthiomi rwa guuka ‘ production ‘ na cia hia weeega igukinyagira mitamboini itari njambicure .

5) KECOSO KBC REPRESENTATIVE

Na kuinikiriria ninii ngoretwo ngiteng’erera Kenya Broadcasting Co-operation  mwakaini wa 2014 na 2015 mahenyaini ma KECOSO  ikiroini cia kilometre ikumi na kilometre ithano na nonguthii nambere na kuruirira ithenya riakwa ria muhanyuki muhiuki makiria  mahenyaini ma mairiria guku wiraini .

Kiugo giakwa kia muthia ni ingiuria ruriri ruthii na mbere na kumenyerera unduire wiitu na ruthiomi rwitu rutige kurekwo ruitike ta ime rucini na rutige kurekwo rucambicuke , gitumi mundu utooi ruthiomi rwa nyina ndeyuui .