Mikora gwethanwo nayo thutha wa kunyita ngari migwate

Borithi nimarethana na gikuundi kia mikora iria iraanyitire migwate ngaari igiri cia matatu mwena wa Buruburu guku Nairobi na kuiya athii indo ciao o undu umwe na mbeca ira hwaini.

Matatu icio irakuuite athii kuuma gatagati ka mucii wa Nairobi cierekeire miena ya Umoja na Buruburu hindi iria iratharikiirwo ni arume maraari na pistols o undu umwe na tuhiu.

Kuratuika matatu icio iratharikiirwo hakuhi na thoko ya Burma barabaraini ya Jogoo Road.