Muikariri giti wa kiama kia ODM George Aladwa, Simba Arati na Caroli Omondi nimarahuungirwo mahuri.

Muikariri giti wa kiama kia ODM George Aladwa na na mumbunge wa gicigo kia Dagoretti ya rugoongo Simba Arati na Caroli Omondi uria ni muteithiriria wa mihang’o ya mutongoria wa CORD Raila Odinga ira nimarahuungirwo mahuri ni maabithaa a utuiria, magikuruhanio na njaama ya kugarura thirikaari.

 

Amemba acio mari atatu maretwarire kinya wabici-ini nene cia boorithi county-ini ya Nairobi, niguo magacokie ciuria ciigii njaama ino iria gutuikite nimarataaraga gikuundi kia andu uria megwika kugarura thirikaari.

 

Ona gukiri uguo Aladwa na Arati o undu umwe na Omondi thuutha ucio makiaria na andiki a moohoro nimareganite na mateta macio maria maraumanite na murutwo umwe wa University ya Nairobi, uria gukinyiria riu uikitio ngono na agakinyio igoti-ini.

 

Mwena-in wake George Aladwa augite we niekunyitanira na honge cia utuiria iguru ria ndeto ino kinya uma woneke.