Ndagitari kunyariira murunawe kimwiri Embu

County ya Embu niibutite murugamiriri munene wa thibitari ya Embu level 5 Dr Moses Njue uria woroteetwo niundu wa kunyariira  ndagitari mutumia wa thibitari iyo kiumia kihituku.

Kubutwo gwake kuhanikite thuutha wa wiira thibitari-ini kwaga guthii na mbere na aruti a wiira kuuria kwandikithio kwa munene wa thibari iyo.

Njue arakuruhanio na kuhahamia ndagitari uri uikaine ta Mary Njoroge mbere ya arwaru aria mathiite  kurigitwo muthenya wakana.

Mwandiki mukaru wa county iyo Johnson Nyaga augite ati handu ha Njue hekuoywo ni ndagitari Daniel Mugendi Njiru.

Nyaga augite ugaruruku ucio niwa guteithiriria hari uthuthuria wa ndeto iyo yahanikire kiumia kihituku, na aruti a wiira riu nimetikirite gucooka wiira-ini.