Nduka cia kwendia ndawa na thibitari cia andu kiumbe kuraihiriria thibitari cia muingi.

Ngavana wa kiambu Fedinard waititu oigite chemists na clinic cia andu kiumbe iria cii hakuhi na thibitari ciothe cia thirikari ni ikuhingwo kana cikorwo mita 500 kuma kuri thibitari cia muingi niguo kuhotithia thibitari cia thirikari kuheana utungata mugaciru.
Ngavana augite ati ene thibitari ici na duka makoragwo manyitaniire na arigitani thibitari-ini cia thirikari niguo kugacirithia biacara ciao undu uria uhotomagia motungata thibitari-ini cia thirikari.
“Thibitari ici ciitu turona andu maroka makaiga laboratories hau hakuhi, magacoka magakorwo nimaranyitanira na andu aria me thiini wa thibitari magathukagia thibitari nigetha andu mathii thibitari ciao”. ino ni miario ya Ngavana ferdinard waititu
Oho niaugite thibitari ciothe cia thirikari thiini wa county iyo niikwandikithio mutaratara-iini wa NHIF, niguo gutigirira muingi niwagunika na utungata uyu thiini wa thibitari ciothe cia thirikari.
Riboti ino ihariirio ni Nyambura wa Mburu kuma Kiambu