Thibitari ya Kiambu level five kumurikwo niundu wa kuuga mwana umwe niakuite

Thibitari ya Kiambu level five niimurikitwo niundu wa kiria kuratuika ni kwaga wuigiririki na gutangatha mwana wa ciumia ithatu gukorwo akuite no uhoro ucio ugakorwo ni wa maheni.

Mwana ucio aatwaritwo thibitariini iyo no agitangathwo gukorwo akuite na family yake ikiheeyo maruwa ma kumuthika.

Ndereba wa taxi James Kamau uria wakuiite mwana ucio niguo agathikwo augite oonire mwana akihuhia na akiuria family imutware thibitariini ya Kigumo.

Mwana ucio niaacokire agithamirio thibitariini ya Gatundu level five.

Abithaa murugamiriri wa ugima wa mwiri county-ini ya Kiambu Joseph Karega augite maabithaa aake nimarathuurima uhoro ucio.